Vilja lögheimili í Hvassahrauni
- óheimilt að skrá lögheimili í frístundabyggð
Bréf Hannesar Eðvarðs Ívarssonar o.fl., dags. 26.11.2013 var lagt fyrir bæjarráð Voga á dögunum. Í bréfinu er þess farið á leit við sveitarfélagið að það heimili skráningu lögheimils í frístundabyggðinni við Hvassahraun.
Samkvæmt lögum um lögheimili nr. 21/1990 er óheimilt að skrá lögheimili í frístundabyggð. Ekki eru uppi áform um að breyta gildandi aðalskipulagi sveitarfélagsins hvað Hvassahraun varðar. Bæjarráð getur því ekki orðið við erindinu, segir í fundargerð bæjarráðs Voga.
