Vilja lista- og menningarmiðstöð í Samkomuhúsið

Lista- og menningarfélagið í Garði hefur óskað eftir afnotum af Samkomuhúsinu í Garði endurgjaldslaust í þrjú ár, til að reka þar starfsemi lista- og menningarmiðstöðvar. Einnig hefur félagsskapurinn óskað eftir styrk frá sveitarfélaginu að fjárhæð 1,5 milljónir króna til kaupa á tækjabúnaði.
 
Bæjarráð Sveitarfélagsins Garðs samþykkti samhljóða á síðasta fundi sínum að vísa málinu til stefnumótunar um atvinnumál.