Vilja eldað á staðnum
– 23 eldri borgarar í Vogum á undirskriftalista til bæjarráðs Voga
Bæjarráð Sveitarfélagsins Voga tók í morgun fyrir undirskriftarlista með undirritun 23 eldri borgara sem búsettir eru í sveitarfélaginu. Þar kemur fram beiðni um að framvegis verði máltíðir í Álfagerði matreiddar á staðnum.
Að auki er þeim tilmælum beint til bæjarstjórnar að kannaðir verði möguleikar á að veita þessa þjónustu alla daga ársins.
Bæjarráð Sveitarfélagsins Voga hefur falið bæjarstjóra að vinna að frekari skoðun málsins.
