Vilja að bærinn komi að stjórn og rekstri HSS
– 277 íbúar tóku þátt í könnuninni
Mikill meirihluti svarenda (69,7%) svarenda í rafrænni könnun Reykjanesbæjar segjast vilja að bærinn komi að stjórn og rekstri Heilbrigðisstofnunar Suðurnesja, þar með taldri heilsugæslustarfsemi. Alls tóku 277 íbúar tóku þátt í könnuninni.
Flestir svarenda (46,2%) töldu að Reykjanesbær ætti að stuðla að þjónustusamningi við ríkið en ríflega fjórðungur svarenda taldi að bærinn ætti að koma inn í stjórn HSS og annar fjórðungur að bærinn ætti að taka yfir rekstur HSS, segir í frétt frá Reykjanesbæ.
