Vildi snakk og skemmdi bíl

Deilur tveggja rúmlega tvítugra manna um snakk urðu til þess að skemmdir á bifreið voru tilkynntar til lögreglunnar á Suðurnesjum. Mennirnir voru að bera á sólpall þegar annar vildi fá snakk hjá hinum sem neitaði. Þeir byrjuðu að ýta hvor í annan, þar til snakkeigandinn lagði á flótta og skvetti um leið orkudrykk á hinn.

Sá síðarnefndi fór þá að bíl í eigu móður snakkeigandans og sparkaði í hann, auk þess sem hann er sagður hafa barið í skottlok bifreiðarinnar og lamið hana með plastlista.