Vilberg Skúlason verðlaunaður hjá Mána
Ræktunarnefnd Mána veitir tvær viðurkenningar ár hvert. Annarvegar fyrir hæst dæmda kynbótahross í eigu Mánafélaga og hinsvegar hæst dæmda kynbótahross ræktað af Mánafélaga.
Vilberg Skúlason hrossabóndi á Ásbrú í Ásahreppi gerði sér lítið fyrir og tók báðar þessar viðurkenningar fyrir árið 2013. Hann hlýtur þær fyrir gæðingshryssuna Feldísi frá Ásbrú en hún hlaut fyrir sköpulag 8,33 og kosti 8,34 og aðaleinkunn 8,34. Feldís er undan Lúðvík frá Feti og Njálu frá Hafsteinsstöðum.
