Víkurfréttir hástökkvari vikunnar á Netinu

Hástökkvari vikunnar í Virkri vefmælingu Modernus er fréttavefur Suðurnesjamanna, Hafnfirðinga og nærsveitunga, www.vf.is (Víkurfréttir) jók mest við sig í vikunni sem leið eða um 7.335 "lesendur", sem þýðir 74% aukning milli vikna eða samtals 17.203 lesendur.

Þetta er óvenju mikil aukning hjá svo stórum vef, segir á vef Modernus, www.teljari.is. Með hjálp annara vinsælla vefja er þetta tiltölulega auðvelt, en eins og oft þá er erfiðara í að halda en í að komast.

Víkurfréttum hefur áður tekist að ná sér í góðar gusur. Mest 23.392 lesendur í 14. viku 2005. Nú er að sjá hvernig þeim tekst að halda í vinsældirnar, segir á vef Modernus.