Viðvörun vegna ofsaveðurs eða fárviðris

Spáð er ofsaveðri eða fárviðri á öllu landinu seint í dag og í kvöld, fyrst S-lands. Dregur heldur úr veðurofsanum í nótt, en sunnan stormur víða fram eftir degi á morgun.

Vaxandi austan- og norðaustanátt við Faxaflóa og 13-20 um hádegi, en 15-23 og snjókoma eða skafrenningur síðdegis. Gengur í 25-33 m/s með snjókomu og síðar slyddu eða rigningu í kvöld.

Veðurhorfur á höfuðborgarsvæðinu

Vaxandi austanátt í dag, 13-20 og skafrenningur síðdegis. Hiti 1 til 3 stig. Gengur í austan 23-33 m/s með snjókomu og síðar slyddu eða rigningu í kvöld. Austan 18-23 í nótt og rigning, en suðlægari 15-20 á morgun og rigning og síðar slydda.