Viðræður við HSS varðandi þjónustu í Sandgerði

Minnisblað viðræðuhóps Sandgerðisbæjar við fulltrúa Heilbrigðisstofnunar Suðurnesja var lagt fyrir fund bæjarráðs Sandgerðis á dögunum. Bæjarráð fagnar því góða samstarfi sem hefur verið við HSS síðustu misseri á tímum þar sem stjórnendur Heilbrigðisstofnunarinnar þurfa að vinna undir ströngum sparnaðarkröfum.

Bæjarráðið lýsir þó yfir áhyggjum af fyrirséðum læknaskorti á Suðurnesjum sem hefur áhrif til hins verra í heilbrigðismálum á svæðinu.

Þá lýsir bæjarráð Sandgerðis yfir vilja til samstarfs við stjórnendur HSS til að tryggja reglubundna viðveru læknis í Sandgerði einkum í ljósi þess að ekki hefur verið haldið úti lögbundinni heilsugæsluþjónustu í sveitarfélaginu frá árinu 2008.