Viðgerð eða hrun

Hafnaryfirvöld í Grindavík hafa áhyggjur af versnandi ástandi Miðgarðs en göt eru komin á stálþilið á nokkrum stöðum. Telur hafnarstjórn nauðsynlegt að bregast skjótt við ella verði efnistap undan þekjunni með þeim afleiðingum að bryggjan sígur og brotnar að lokum.

Í fundargerð hafnarstjórnar kemur fram að haft hafi verið samband við kafara kafara sem telji sig geta gert við þilið svo framlengja megi líftímann um einhver ár.

Þá kemur fram að framkvæmdin sé kostnaðarsöm og rúmist ekki innan fjárhagsáætlunar hafnarinnar. Af þeim sökum var málinu vísað til bæjarstjórnar til ákvörðunar.

Ljósmynd/Oddgeir Karlsson.