Video: Bílskúr brann við Drangavelli

Slökkvilið Brunavarna Suðurnesja var kallað út á ellefta tímanum í morgun að Drangavöllum í Keflavík. Tilkynnt var um talsverðan reyk frá bílskúr í götunni.

Þegar slökkvilið kom á staðinn var lagði talsverðan reyk frá bílskúrnum og innandyra logaði talsverður eldur. Slökkviliðsmenn réðu niðurlögum eldsins en slökkvilið er enn á vettvangi þar sem grunur er um að glóð hafi komist í þak bílskúrsins.

Meðfylgjandi myndir voru teknar í slökkvistarfinu nú áðan.

VF-myndir: Hilmar Bragi