Viðbúnaður vegna pakka í flugstöðinni

Mikill viðbúnaður var í brottfararsal Flugstöðvar Leifs Eiríkssonar í morgun vegna pakka sem þar hafði verið skilinn eftir. Sérsveit lögreglu var meðal annars kölluð til.

Sjónarvottar sem óku Reykjanesbrautina í morgun mættu m.a. fimm lögreglubílum á leið til Suðurnesja á forgangi.
 
Grunsamlegur pakki sem skilinn hafði verið eftir í brottfararsalnum vakti grunsemdir. Farþegi hafði hins vegar gleymt pakkanum og reyndist engin hætta á ferð.