Viðbúnaður á Keflavíkurflugvelli vegna bilunar hjá United Airlines
Verulegur viðbúnaður var á Keflavíkurflugvelli í morgun þegar tilkynning barst um að flapsar eða vængbörð væru biluð í Boeing 757-221 flugvél United Airlines. Hún var að koma frá Newark flugvelli í New York.
Neyðarstig var virkjað vegna bilunarinnar og björgunarsveitir, slökkvilið og lögregla á öllu Suðvesturhorni landsins sett í viðbragðsstöðu. Vélin hringsólaði í um 20 mínútur yfir Faxaflóa en lentu svo heilu og höldnu á Keflavíkurflugvelli.
