Víða skúrir í dag

Klukkan 6 var vestlæg átt, víða 5-13 m/s, en norðlægari á Vestfjörðum. Rigning eða skúrir vestantil og við austurströndina, en annars skýjað með köflum eða skýjað. Hiti 3 til 8 stig.

Vestlæg átt, 5-13 m/s og skúrir, en vaxandi norðan og norðaustanátt norðvestantil, 8-15 kringum hádegi. Norðlægari um norðanvert landið í dag, en lægir sunnanlands. Víða dálitlar skúrir í dag, en yfirleitt léttskýjað suðaustantil. Vaxandi austanátt um sunnanvert landið og þykknar upp í nótt. Austan 8-13 og rigning á morgun, en þurrt að kalla norðaustantil fram eftir degi. Hiti víða 5 til 10 stig, en 10 til 15 á Suðausturlandi í dag.