Víða rigning síðdegis

Klukkan 06:00 í morgun var allhvöss norðvestanátt og stöku él við norðausturströndina, en mun hægari austlæg eða breytileg átt og víða bjartviðri annars staðar. Hiti var frá 4 stigum við Ingólfshöfða niður í 8 stiga frost á Húsafelli.
 
Skammt suður af Írlandi er víðáttumikil 1034 mb hæð og hryggur frá henni teygir sig norður til Íslands. Við Hvarf er 985 mb lægð á leið norðaustur. Langt suður af Hvarfi er víðáttumikið 970 mb lægðakerfi sem hreyfist í norður.
 
Veðurhorfur á landinu til kl. 18 á morgun:
Vaxandi austan- og suðaustanátt, 13-18 m/s og rigning suðvestanlands er líður á morguninn, annars hægari vindur og þurrt. Suðaustan 10-18 og víða rigning síðdegis, en lægir heldur í kvöld. Hlýnandi veður. Sunnan og suðvestan 10-15 m/s á morgun, skýjað og þokusúld eða rigning sunnan- og vestanlands. Hiti 10 til 18 stig, hlýjast á Norðaustur- og Austurlandi.