Víða él eða skúrir en bjartviðri sunnanlands

Klukkan 09:00 í morgun var austlæg átt, víðast 5-10 m/s. Léttskýjað norðaustantil, annars skýjað með köflum og sums staðar él sunnan- og vestanlands. Hiti frá 5 stigum á Seyðisfirði niður í fjögurra stiga frost í Stafholtsey.

Skammt V af Reykjanesi er 990 mb lægð sem þokast suður og síðar austur á bóginn.
 
Veðurhorfur á landinu til kl. 18 á morgun:
Norðaustan 8-13 m/s norðvestantil, en hægari annars staðar. Víða él eða skúrir og hiti 0 til 5 stig. Norðan 5-10 í nótt og á morgun, dálítil él norðantil á landinu, en bjartviðri sunnanlands. Frost 0 til 5 stig, en frostlaust sunnantil að deginum.