Vestanátt á morgun

Klukkan 6 í morgun var sunnan 3-8 m/s og skýjað norðvestantil, en annars hæg breytileg átt og víða léttskýjað. Hlýjast var eins stigs hiti á Hornbjargsvita, en kaldast 15 stiga frost á Haugi í Miðfirði.

Veðurhorfur við Faxaflóa næsta sólarhringinn:
Hægviðri og léttskýjað. Vestan 3-8 m/s og dálítil slydda eða rigning síðdegis. Vaxandi vestanátt með rigningu eða slyddu á morgun. Hiti 0 til 5 stig þegar kemur fram á daginn.