Verulega dregið úr virkni og gosóróa
Verulega hefur dregið úr kvikustrókavirkni á gossprungunni við Sundhnúksgígaröðina og hefur virknin einangrast á að því er virðist sex gosop norðarlega á sprungunni.
Hraunrennsli er nú mest á svæðinu í kringum norðurhluta sprungunnar og við Sýlingarfell. Hægt hefur á framrás hraunrennslis við Grindavíkurveg til móts við Svartsengi og við varnargarðana vestur af Grindavík.
Engin sprengivirkni sést lengur og sáralítil skjálftavirkni mælist. Samfara því að dregið hefur úr virkni gossins hefur gosórói einnig minnkað mikið.
Myndasafn frá gosstöðvunum neðar á síðunni.
Eldgos við Sundhnúk 29. maí 2024 // Myndasafn #1
