Verulega búið að draga úr eldgosinu
Verulega dró úr eldgosinu við Sundhnjúka í nótt og virðist bara koma upp úr einu gosopinu eins og sakir standa en strókavirknin virðist vera orðin slitrótt. Þó var var slæmt skyggni á svæðinu í nótt og ætti að skýrast nánar í birtingu hvernig staðan er.
Sá hluti gossprungunnar sem var hvað virkastur í gærdag lognaðist skyndilega útaf um kvöldmatarleytið í gær en eftir stóðu nokkur minni gosop sem áfram var nokkur virkni í. Það hefur svo breyst í nótt og hefur dregið umtalsvert úr gosóróa frá miðnætti. Hvort það hreinlega styttist í goslok skýrist sömuleiðis fljótlega, eins og fram kom á Facebook-síðu Eldfjalla- og náttúrvárhóps Suðurlands.
