Verktaki í jólaskapi færði Björginni styrk

Sverrir Örn Olsen eigandi Verktakasambandsins ehf var í sannkölluðu jólaskapi þegar hann færði félögum í Björginni rausnarlegan styrk upp á 150.000 krónur.

Haft er eftir Ragnheiði Sif Gunnarsdóttur forstöðumanni í Björginni að stuðningur sem þessi sé afar mikilvægur fyrir starfsemi Bjargarinnar. Fyrirtæki og félagasamtök hafa með þessu móti gert Björginni kleift að auka við iðju og samfélagsþátttöku félaga.

Á meðfylgjandi mynd má sjá félaga frá Björginni í þriggja rétta kvöldverði á veitingastaðnum Duus í boði Verktakasambandsins ehf. Um þrjátíu félagar mættu og verður afgangur styrksins nýttur til að auka við iðju í Björginni á nýju ári.