Verið að opna Grindavíkurveg eftir alvarlegt umferðarslys

Nú er verið að opna Grindavíkurveg að nýju eftir alvarlegt umferðarslys sem varð á veginum snemma í morgun. Tvær bifreiðar skullu saman á veginum miðja vegu milli Seltjarnar og Bláa lónsins.

Tveir voru fluttir á sjúkrahús, en ekki liggja fyrir upplýsingar um hversu alvarleg meiðsl voru.

Grindavíkurvegurinn var lokaður á meðan lögreglan rannsakaði slysavettvang, en fulltrúar rannsóknarnefndar umferðarslysa voru kallaðir á vettvang slyssins í morgun.

Aðkoman að slysavettvangi var ljót og bílarnir mikið skemmdir.

Víkurfréttamynd: Hilmar Bragi Bárðarson



Frá vettvangi slyssins í morgun.



Tveir voru fluttir á sjúkrahús eftir áreksturinn á Grindavíkurvegi.



Unnið að rannsókn á slysavettvangi.