Velja jólahús Sandgerðisbæjar
Umhverfisnefnd Sandgerðis stendur fyrir vali á jólahúsi bæjarfélagsins árið 2016. Hægt er að senda inn ábendingar um vel skreytt hús og verða tilnefningar að berast móttöku bæjarskrifstofu fyrir klukkan 15:00 fimmtudaginn 16. desember 2016.
Fulltrúar umhverfisnefndar munu verða á ferðinni í desember og skoða þau hús sem hlotið hafa tilnefningu. Eigendum jólahússins verða svo afhent verðlaun stuttu fyrir jól.
Nánari upplýsingar um valið má nálgast á vef Sandgerðisbæjar.
