Vel heppnaður Chevrolet dagur hjá Bílabúð Benna

Haldið var uppá Chevrolet daginn í Reykjanesbæ síðastliðinn laugardag. Bílabúð Benna bauð Chevrolet eigendur sérstaklega velkomna þennan dag og hafði mikið við. 

Chevrolet eigendur á Suðurnesjum létu greinilega ekki segja sér það tvisvar og fóru viðtökurnar fram úr björtustu vonum. „Það hefur sjaldan verið eins skemmtilegt í vinnunni,“ segir Svavar Grétarsson, sölufulltrúi hjá Bílabúð Benna í Reykjanesbæ. „Hingað mættu heilu fjölskyldurnar með Chevrolet bílana sína og þáðu ókeypis vetrarskoðun, margs konar sértilboð á bílavörum og hressandi glaðning í leiðinni. Við þökkum kærlega fyrir frábærar undirtektir og óskum öllum Chevrolet eigendum á Suðurnesjum velfarnaðar í umferðinni í vetur.“