Veittist að lögreglumönnum

Tveir gistu fangageymslu Lögreglunnar í Keflavík í nótt vegna ölvunar og ofstopa. Hafði annar þeirra brotið rúðu í TM við Hafnargötu en hinn hafði veitst að lögreglumönnum með hótunum og reynt að hindra þá í starfi.
Einn var handtekinn í gærkvöld vegna gruns um fíkniefnamisferli og fannst á honum u.þ.b. 10 gr. af meintu amfetamíni. Var honum sleppt og telst málið upplýst.
Þrír ökumenn voru í gærdag kærðir fyrir hraðakstur í umdæminu.  Sá sem hraðast fór var stöðvaður á Grindavíkurvegi.  Mældist sá ökumaður á 126 km hraða þar sem hámarkshraði er 90 km.