Veiðarfæraþjónustan ehf. færir bjsv Þorbirni ný fluglínutæki

Veiðarfæraþjónustan ehf hefur fært björgunarsveitinni Þorbirni í Grindavík ný fluglínutæki. Við strand Wilson Muuga urðu talsverð afföll á línum sveitarinnar en óskað var eftir því að þær fengju að vera áfram til að notast við hreinsunarstörf. 
Veiðafæraþjónustan ehf brást skjótt við og færðu sveitinni tóg og efni í nýja uppsetningu á fluglínutækjum. Við þetta tækifæri fékk Veiðarfæraþjónustan fullkominn sjúkrakassa sem þakklætisvott frá sveitinni.

Veiðarfæraþjónustan ehf hefur í gegnum tíðina stutt vel við bakið á bjsv Þorbirni, sá stuðningur hefur fyrst og fremst falist í því að leggja til allt tóg og lása sem þarf til uppsetningar og viðhalds á fluglínutækjum sveitarinnar.

Mynd: Bogi Adolfsson, Hafþór Helgason, og Guðbjörg Eyjólfsdóttir fh sveitarinnar,  Hörður Jónsson og Sverrir Þorgeirsson fh Veiðarfæraþjónustunnar.