Vegagerðin framkvæmir fyrir 1,5 milljarð

Vegagerð ríkisins mun verja um 1,5 milljörðum króna í vegaframkvæmdir í Reykjanesbæ og á Suðurnesjum á þessu ári en þar af fer 1 milljarður i stækkun Reykjanesbrautar, sem er langstærsta verkefnið

Annað stærsta verkefnið er gerð svokallaðrar Þjóbrautar, en það er ný braut í sem mun liggja frá Reykjanesbraut niður að Hringbraut. Gert er ráð fyrir að Reykjanesbær láni fjármagn til þjóðvegarins þar til fullt fjármagn hefur verið tryggt á fjárlögum. Um er að ræða helstu aðkomu í miðju Reykjanesbæjar frá Reykjanesbrautinni, með mikilvægum tengibrautum.
Þriðja stærsta framkvæmd ársins er svo Nesvegur, en hann tengir umhverfi Reykjanesvita og orkuvers við Grindavík.



Mynd; Framkvæmdir við Reykjanesbraut ganga framar vonum og vinna við fyrstu brúna í mislægu gatnamótunum, við Grindavíkurveg, hafin. Alls verða átta brýr reistar við fern mislæg gatnamót í þessum áfanga tvöföldunarinnar.