VEFTV: Árásarmanna úr Keilufelli leitað í Reykjanesbæ

Lögregla fór hús úr húsi í Reykjanesbæ nú undir kvöld við leit að mönnum sem taldir eru tengjast líkamsárás í Breiðholti að kvöldi skírdags.

Leitin hófst í Röstinni við Hrannargötu, færðist svo niður í hús beint á móti við sömu götu og þaðan að Ásabraut.

Nokkur fjöldi lögreglumanna tók þátt í aðgerðunum, en lögreglan gat ekki gefið frekari upplýsingar um atburði kvöldsins þar sem vinna stendur enn yfir, m.a. niðri í Röst.

Eins og fram hefur komið í fjölmiðlum síðustu daga leikur grunur á að glæpagengi sé búsett í Reykjanesbæ og tengist fyrrnefndri árás, en þar réðist fjöldi manna inn á heimili í Keilufelli.

Fjórir menn voru handteknir á leið sinni Suður með sjó strax að kvöldi skírdags og hafa verið dæmdir þriggja vikna gæsluvarðhald. Hinna hefur verið leitað síðan.

Frétt og myndir frá aðgerðinni komið í Vefsjónvarp Víkurfrétta!

Nánari fréttir síðar í kvöld...