Veður: Vaxandi norðaustanátt, víða 18-23 m/s í kvöld, nótt og á morgun

Í kvöld kl. 18 var norðanátt, 18-28 m/s við norðurströndina og sums staðar vestanlands en hægari annars staðar og mun hægari suðaustan- og austanlands. Á norðurhelmingi landsins var snjókoma, en þurrt syðra. Hiti var frá 4 stigum á Núpi á Berufjaðarströnd niður í 4 stiga frost á Vestfjörðum.


Veðurhorfur á landinu næsta sólarhring:
Viðvörun: Búist er við stormi (meira en 20 m/s) norðvestan- og vestanlands.
Vaxandi norðan- og norðaustanátt, víða 18-23 m/s í kvöld en hægari vindur sunnan- og austanlands. Skýjað en úrkomulítið sunnan- og suðvestanlands. Slydda eða snjókoma í öðrum landshlutum og mikil ofankoma á Norðurlandi. Hiti nálægt frostmarki víðast hvar.

Veðurhorfur við Faxaflóa til kl. 18 á morgun: Vaxandi norðaustanátt, víða 18-23 m/s í kvöld, nótt og á morgun, en hægari inn til landsins. Dálítil él norðantil, en annars skýjað með köflum og vægt frost.

Meðfylgjandi eru tvö veðurkort sem sýna annars vegar veður kl. 06 í fyrramálið og einnig kl. 18 síðdegis.