Veður: Léttir heldur til í kvöld

Í morgun kl. 06 var austlæg eða breytileg átt, 2-6 m/s og skýjað með köflum, en bjartviðri á Vestfjörðum og Vesturlandi. Hiti var 2 til 12 stig á láglendi, kaldast á Reykjum í Fnjóskadal, en hlýjast á Akranesi.
Yfirlit: Yfir Grænlandi og Jan Mayen er víðáttumikið 1014 mb háþrýstisvæði, en við Lófót er nær kyrrstæð 1000 mb lægð. Langt suður af landinu er 996 mb lægðasvæði.
Veðurhorfur á landinu til kl. 18 á morgun: Fremur hæg breytileg átt og víða léttskýjað norðan- og vestanlands, en annars skýjað með köflum og yfirleitt þurrt. Hæg norðlæg átt á morgun og skýjað að mestu norðanlands, en léttir til um sunnanvert landið. Hiti 10 til 18 stig að deginum.
Veðurhorfur við Faxaflóa næsta sólarhring: Fremur hæg breytileg átt, skýjað með köflum og yfirleitt þurrt, en léttir heldur til í kvöld. Hiti 12 til 18 stig að deginum, en mun svalara í nótt.