Veður: Kólnar síðdegis

Í morgun kl. 6 var suðvestanátt, víða 5-13 m/s. Rigning eða þokusúld víða um land, en úrkomulítið suðaustanlands. Hlýjast var 10 stiga hiti á Grundarfirði, en svalast við frostmark í Hvanney.
Yfirlit: Á Grænlandssundi er heldur vaxandi 1012 mb lægð á norðausturleið, en langt S í hafi er víðáttumikil hæð að loftvægi 1043.
Veðurhorfur á landinu til kl. 18 á morgun: Suðvestan 8-15 m/s um landið vestanvert og rigning eða þokusúld, en heldur hægari austantil og dálítil súld í fyrstu. Bætir í vind í dag, víða 10-18 uppúr hádegi, hvassast norðvestanlands og hiti 3 til 10 stig. Skúrir síðdegis, en él í nótt og á morgun og þá léttir til á austanverðu landinu. Kólnandi, hiti 0 til 5 stig víðast hvar í nótt og á morgun.
Veðurhorfur við Faxaflóa næsta sólarhring: Suðvestan 10-18 m/s, hvassast á annesjum og rigning eða þokusúld, en skúrir eða él síðdegis. Hiti 5 til 10 stig, en kólnar síðdegis. Hiti 0 til 5 stig í nótt.