Veður: Kólnandi með skúrum og slydduéljum

Í morgun kl. 06 var suðlæg átt á landinu, 15-20 m/s víða sunnan- og vestanlands, en talsvert hægari norðaustantil. Skýjað með köflum á Norðaustur- og Austurlandi, en rigning eða þokusúld í öðrum landshlutum. Hiti var 4 til 13 stig, hlýjast á Sauðanesvita.

Veðurhorfur á landinu næsta sólarhring:
Sunnan 13-18 m/s og rigning á vestanverð landinu framan af morgni, en síðan suðvestan 8-13 og styttir upp. Vaxandi sunnanátt austanlands, 13-18 og rigning undir hádegi, en suðvestan 8-13 og skúrir með kvöldinu. Aftur vaxandi suðaustanátt í nótt, 13-18 m/s og rigning vestan til á morgun, en mun hægara og úrkomuminna austanlands. Hiti yfirleitt 5 til 10 stig framan af degi, en kólnar síðan hratt og 0 til 5 stig í nótt. Hlýnar aftur á morgun.

Veðurhorfur við Faxaflóa næsta sólarhring:
Suðlæg átt, 13-18 m/s, rigning og hiti 5 til 10 stig. Vestan 8-13 með morgninum og kólnar heldur með skúrum og síðar slydduélum. Vaxandi suðaustanátt kvöld og úrkomulítið, en 13-18 og rigning í nótt.

Veðurhorfur á höfuðborgarsvæðinu næsta sólarhring:
Sunnan 8-13 m/s og rigning, en vestlæg átt, 5-10 og skúrir með morgninum. Vaxandi suðaustanátt og úrkomulítið í kvöld, en 13-18 og rigning í nótt. Kólnandi í bili og hiti 1 til 5 stig síðdegis.