Veður: Hægviðri og lítilsháttar rigning áfram

Í dag kl. 15 var hæg norðlæg eða breytileg átt og skýjað með köflum, en sums staðar lítilsháttar væta suðvestanlands. Hiti var 7 til 14 stig, hlýjast í Æðey og Húsafelli.

Yfirlit: Yfir Suðvesturlandi er kyrrstætt lægðardrag, en austur af Skotlandi er 999 mb lægð, sem hreyfist austur og grynnist.
Veðurhorfur á landinu til kl. 18 á morgun: Hæg norðlæg eða breytileg átt og skýjað með köflum, en lítilsháttar rigning eða súld á Suður- og Vesturlandi og suðaustan til á morgun. Birtir til á Norðausturlandi á morgun. Hiti 8 til 13 stig, en allt að 17 stigum norðaustan til á morgun.
Veðurhorfur við Faxaflóa til kl. 18 á morgun: Hægviðri og lítilsháttar rigning eða súld öðru hverju. Hiti 9 til 15 stig.