Veður: Austan 15-20 m/s og talsverð snjókoma í nótt

Í kvöld kl. 21 var austlæg átt, 13-18 m/s sunnan- og vestanlands, en annars hægari. Snjókoma eða él, einkum suðvestanlands, en skýjað og þurrt að mestu suðaustantil. Frost var 0 til 12 stig, kaldast við Mývatn.

Veðurhorfur á landinu næsta sólarhring:
Viðvörun: Búist er við stormi og talsverðri ofankomu á sunnanverðu landinu í nótt og fram eftir morgni.
Austlæg átt, víða 18-23 m/s og talsverð snjókoma suðvestantil, en annars hægari og él eða snjókoma. Sunnan 18-23 og talsverð ofankoma suðaustanlands er líður á morguninn, en minnkandi norðan- og norðvestanátt og léttir til sunnan- og vestanlands er líður á morgundaginn. Frost víða 5 til 10 stig, en kringum frostmark með suðurströndinni í nótt.

Veðurhorfur við Faxaflóa næsta sólarhring: Austan 15-20 m/s og talsverð snjókoma í nótt. Norðan 15-20 og úrkomuminna með morgninum, en hægari og léttir til síðdegis. Frost 1 til 9 stig, minnst syðst.

Veðurhorfur á höfuðborgarsvæðinu næsta sólarhring: Austan 15-20 m/s og talsverð snjókoma í nótt. Norðan 15-20 og úrkomuminna með morgninum, en hægari og léttir til síðdegis. Frost 2 til 7 stig.