Veður: Allt að 23 m/s síðdegis

Í morgun kl. 06 var suðlæg átt, víða 10-15 m/s suðvestantil, annars hægari. Skýjað að mestu og rigning eða þokusúld sunnan- og vestantil. Hiti 2 til 11 stig, hlýjast á Hvanneyri.

Veðurhorfur á landinu næsta sólarhring:

Viðvörun: Búist er við stormi víða vestanlands síðdegis.
Suðaustlæg átt, víða 10-18 m/s suðvestan- og vestanlands, en allt að 23 m/s síðdegis og í kvöld. Hægari vindur annars staðar. Rigning eða súld með köflum, en þurrt að mestu norðaustanlands. Snýst í suðvestan 8-13 í nótt með skúrum. Hiti víða 5 til 10 stig.

Veðurhorfur við Faxaflóa næsta sólarhring: Suðaustanátt, víða 13-18 m/s og súld eða rigning, en allt að 23 m/s síðdegis. Snýst í suðvestan 8-13 í nótt með skúrum. Hiti 5 til 11 stig.

Veðurhorfur á höfuðborgarsvæðinu næsta sólarhring: Suðaustan 13-18 m/s og súld eða rigning, en suðvestan 8-13 og stöku skúrir í nótt. Hiti 5 til 10 stig.