Veðrið verður að lögreglumáli fari það ekki að lagast

Nokkuð hefur borið á því að fólk hefur verið að senda lögreglunni á Suðurnesjum fyrirspurnir á skilaboðum varðandi það hvort sumarið fari ekki að koma. Frá þessu er greint á fésbókarsíðu Lögreglustjórans á Suðurnesjum

„Eins og staðan er þá er þetta ekki enn orðið lögreglumál, en ef þetta lagast ekki um miðjan mánuðinn þá förum við í það að skoða málið,“ segir orðrétt á síðu lögreglunnar.

Eigið góða helgi gott fólk og farið varlega.