Vaxandi vestanátt og hlýnar síðdegis

Á hádegi var norðlæg eða breytileg átt, víða 3-8 m/s. Skýjað og él norðantil, en víða léttskýjað syðra. Kaldast var 11 stiga frost á Hvanneyri, en hlýjast 2 stiga hiti á Garðskagavita og Höfn í Hornafirði.

Yfirlit:
Yfir Grænlandi er 1037 mb hæð, en langt SV í hafi er 1034 mb hæð sem þokast ANA.

Veðurhorfur á landinu:
Veðurhorfur til kl. 18 á morgun: Norðanátt, 5-10 m/s austast, en hægari breytileg átt annars. Stöku él við norðurströndina, en víða léttskýjað syðra. Frost 0 til 8 stig, mildast úti við sjóinn. Vaxandi vestanátt og fer hlýnandi í fyrramálið, 5-13 m/s síðdegis, hvassast á annesjum norðvestantil. Hiti 0 til 5 stig á vesturhelmingi landsins á morgun.

Veðurhorfur við Faxaflóa til kl. 18 á morgun:
Hæg norðlæg átt og léttskýjað. Frost 0 til 8 stig. Vaxandi vestanátt og hlýnar síðdegis á morgun. Hiti 0 til 5 stig undir kvöld.