Vaxandi norðanátt á morgun

Á Garðskagavita voru VNV 2 klukkan 10 og rétt um 12 stig
Klukkan 9 var hægviðri á landinu. Skýjað að mestu og súld eða þokuloft á víð og dreif um landið. Hiti 8 til 15 stig, svalast við austurströndina.

Veðurhorfur við Faxaflóa til kl. 18 á morgun:
Norðvestan og vestan 3-8 m/s, skýjað með köflum og sums staðar þoka í kvöld. Vaxandi norðanátt í fyrramálið, víða 8-13 síðdegis á morgun. Hiti 10 til 16 stig.

Veðurhorfur á landinu til kl. 18 á morgun:
Hægviðri, skýjað með köflum og sums staðar lítilsháttar súld eða rigning, einkum suðaustantil. Vestan gola og þokuloft vestantil í kvöld og nótt. Vaxandi norðanátt á morgun, 8-13 m/s vestanlands síðdegis á morgun. Súld eða rigning norðanlands en léttir til sunnanlands. Hiti 8 til 17 stig.