Vaxandi austanátt og snjókoma í nótt

Klukkan 06:00 í morgun var austlæg átt, víða 3-8 m/s. Sunnan- og vestanlands var léttskýjað, en dálítil él á Austurlandi. Frost var um nær allt land, mest 14 stig á Húsafelli.

Milli Skotlands og Noregs er 990 mb lægð sem fer austur, en langt suðvestur í hafi er víðáttumikil 985 mb lægð sem þokast norður.

Veðurhorfur á landinu til kl. 18 á morgun:
Fremur hæg austlæg átt og stöku él austanlands, annars þurrt og víða bjart veður. Frost 0 til 8 stig, en 10 til 15 í innsveitum fyrir norðan. Vaxandi austanátt suðvestantil í kvöld og snjókoma í nótt. Austan 10-18 og slydda eða rigning á morgun, en dálítil snjókoma norðanlands. Hlýnandi veður.