Varnarliðið vantar starfsfólk strax

Varnarliðið á Keflavíkurflugvelli auglýsir í Víkurfréttum eftir umsækjendum á skrá í fjölbreytt störf í Varnarstöðinni. Bæði er verið að auglýsa sumarstörf en einnig vantar fólk í föst störf.
Þannig vantar Varnarliðið starfsmenn í bifvélavirkjun og dísilvélaviðgerðir. Þarna eru föst störf í boði. Þá vantar starfsmann í móttöku þjónustubeiðna. Það er fast starf fyrir iðnaðarmann á byggingarsviði. Mötuneytisstörf eru einnig í boði hjá Varnarliðinu að þessu sinni, bæði í sumar og föst störf. Skrifstofustörf eru laus í sumar og einnig föst störf. Þá vantar fólk í sumarstörf við ræstingar, matreiðslu og birgðavörslu.
Lágmarksaldur umsækjenda er átján ára. Varnarliðið segir í auglýsingu sinni í Víkurfréttum að umsóknir skulu berast sem fyrst, þar sem stöðurnar eru lausar til umsóknar nú þegar.