Varnarlið: Starfsmenn vilja biðlaun

Búið er að tilkynna að öllum starfsmönnum Varnarliðsins á Keflavíkurflugvelli verði sagt upp, en um 600 manns vinna hjá hernum.

Margir þeirra eru með 6 mánaða uppsagnafrest. Á meðal íslenskra starfsmanna hersins, er verið að undirbúa undirskriftalista þar sem farið verður fram á að þeir fái að njóta sömu eða svipaðra kjara og skoskir starfsmenn hersins, sem misstu vinnuna þegar flotastöð bandaríska hersins í Holy Loch við Clydfjörðinn, var lokað fyrir nokkrum misserum.

Ekki verður farið af stað með undirskriftalistann fyrr en starfsmenn hersins hafa fengið uppsagnarbréf sín í hendur. Ríkisútvarpið greindi frá.