Varð varð æfur á slysamóttöku – stungið í steininn

Rúmlega tvö í nótt var tilkynnt um líkamsárás fyrir utan skemmtistað á Hafnargötu í Keflavík. Þar höfðu þrír aðilar gengið í skrokk á þeim fjórða. Sá lá eftir rænulaus. Var hann fluttur með sjúkrabifreið á Heilbrigðisstofnun Suðurnesja til nánari skoðunar.

Einn af grunuðum árásarmönnum var handtekinn og vistaður í fangahúsi. Lögreglumaður fór svo á sjúkrahúsið til að kanna með ástand mannsins. Komu þá upp nokkuð óvenjulegar aðstæður. Þar sem verið var að huga að meiðslum mannsins stóð hann skyndilega upp og varð æfur. Lögreglumaðurinn yfirbugaði manninn með aðstoð sjúkraflutningamanna og læknis. Nauðsynlegt reyndist að vista manninn í fangageymslu þar sem fylgst var náið með honum.