Vanskilabíll sóttur til Keflavíkur

Lögreglunni í Keflavík var í morgun tilkynnt um vörslusviptingu, þ.e. að fjármögnunarfyrirtæki væri að láta sækja bifreið til Keflavíkur þar sem eigandinn hafði ekki staðið í skilum.Nokkur slík tilvik eru á hverju ári að fyrirtæki sem veita mönnum bílalán koma og sækja bílana þegar ekki hefur verið staðið í skilum. Vörslusviptingin er alltaf tilkynnt til lögreglu þar sem „eigendur“ halda oft að bílnum hafi verið stolið.

(Myndin er ekki tengd fréttinni, heldur aðeins sem myndskreyting).