Vann 100.000 kr. ferðavinning í afmælisleik í Samkaup

Þúsundir Suðurnesjamanna tóku þátt í afmælisleik Samkaupa í tilefni af 20 ára afmæli
verslunarinnar í Njarðvík. Lukkumiðum var dreift með Víkurfréttum fjórar vikur í röð þar sem dregið var um veglega vinninga í hverri viku. Þeir sem ekki hlutu vinninga þá gátu sett miðana sína í pott þar sem dregið var um 100.000 kr. utanlandsferð. Hún kom í hlut Erlu Sigurjónsdóttur, Háaleiti 27
í Keflavík. Gunnar Sveinsson, sem var kaupfélagsstjóri þegar Samkaup opnaði, afhenti henni vinninginn. Með þeim á myndinni eru Hörður Sigfússon og Kritstján Friðjónsson verslunarstjórar í Samkaup Njarðvík.