Valt við harðan árekstur í Keflavík

Harður árekstur varð í gærmorgun á gatnamótum Hringbrautar og Tjarnargötu í Reykjanesbæ.  Þar var bifreið ekið frá Tjarnargötu og á bifreið, sem ekið var suður Hringbraut.  Við árekstur vallt bifreiðin, sem var ekið suður Hringbraut.  Lögregla, sjúkrabifreiðar ásamt tækjabíl slökkviliðssins fór á vettvang.

Slys reyndust ekki alvarleg en farþegi í bifreiðinni sem valt var fluttur með sjúkrabifreið á Heilbrigðisstofnun Suðurnesja til skoðunar.

Bifreiðarnar skemmdust mikið og voru fluttar af vettvangi með dráttarbifreið.