Valt við Berghóla

Bílvelta varð um hádegisbil við Berghóla í Leiru. Hafnaði bifreiðin á hliðinni úti í móa.

 

Lögregla og sjúkralið voru send á vettvang en ökumaður reyndist ómeiddur og ætlaði að koma sér sjálfur til skoðunar á Heilbrigðisstofnun Suðurnesja.

 

Þegar ljósmyndari Víkurfrétta kom á vettvang var verið að undirbúa það að ná bifreiðinni aftur upp á veg. Lögregluþjónar stjórnuðu umferð á meðan og ekki urðu miklar tafir á umferð.

 

Talsvert er um að að bílar séu útaf á þjóðvegum í kringum Reykjanesbæ en frá því í morgun hefur nokkuð skafið og verið skyggni ekki gott við akstur.

 

VF-mynd: Hilmar Bragi Bárðarson