Valt á mislægum gatnamótum við Innri Njarðvík
Bílvelta varð á mislægum gatnamótum á Reykjanesbraut við Innri Njarðvík nú síðdegis. Ökumaður missti stjórn á bifreið sinni með þeim afleiðingum að hún valt.
Sjúkrabifreið frá Brunavörnum Suðurnesja var kölluð á staðinn ásamt lögreglu. Ekki fengust upplýsingar hjá lögreglu hvort einhver meiðsl höfðu orðið en lögreglumenn eru ennþá á vettvangi slyssins, þar sem bifreiðin lokar einni akrein á Reykjanesbrautinni.
VF-myndir: Hilmar Bragi Bárðarson
