Valdi og Skafti sigruðu í Aðalskoðunarralli AÍFS

Valdi og Skafti gerðu sér lítið fyrir og óku frá Grindavík til Hafnarfjarðar á nýju meti, 13 mín og 33 sek og sigruðu þar með í Aðalskoðunarralli AÍ, sem haldið var um helgina í fínu veðri. 

Ekið var um höfnina á föstudagskvöldið og var margt fólk sem kom til að sjá bílana aka þar. Á laugardeginum var haldið að Djúpavatni en það er með einni af skemmtilegri rallýleiðum sem eknar eru og voru teknar þar þrjár umferðir.

Henning og Árni lentu í vandræðum við Djúpavatn þegar túrbína gaf sig aðra leiðina en félagarnir komust út af og náðu að skipta um túrbínu. Þeir komu þó of seint inn á tímastöð og hlutu refsingu fyrir og enduðu í 5. sæti yfir heildina.

Sigurður og Magnús frá Aífs óku saman í fyrsta sinn og náðu þeir góðum tímum miðað við fyrstu keppni saman og enduðu í 7. sæti.  

Ragnar og Almar komu líka skemmtilega á óvart en þeirra markmið var að klára, sem þeir gerðu og enduðu í 9. sæti.