Laugardagur 28. október 2006 kl. 11:40
Vafin í teppi við Grindavíkurveg

Á fimmta tímanum í fyrrinótt komu lögreglumenn að konu þar sem hún sat í vegkantinum við Grindavíkurveg vafin inn í teppi og með sígarettu í munni. Meðferðis hafði hún áfengisflösku og var sýnilega ölvuð. Hún var nokkuð regnblaut og köld. Lögreglumenn komu henni í húsaskjól hjá vinkonu hennar í Keflavík.