Væta næstu daga

Búist er við vætu næstu daga við Faxaflóann. Í dag verður sunnan 5-10 m/s og fer að rigna nálægt hádegi, en snýst í hægari suðvestanátt og styttir upp í nótt. Vaxandi sunnanátt og fer að rigna aftur síðdegis á morgun. Hiti 10 til 15 stig.

Veðurhorfur á landinu næstu daga:

Á laugardag:
Suðvestan 5-10 m/s og rigning eða skúrir, en yfirleitt þurrt norðaustanlands. Dregur verulega úr úrkomu síðdegis. Hiti 10 til 18 stig, hlýjast NA-til.

Á sunnudag:
Vaxandi austanátt með rigningu, en úrkomulítið á Norðurlandi. Víða 10-15 m/s um og eftir miðjan dag. Hiti breytist lítið.

Á mánudag og þriðjudag:
Norðaustanátt með skúrum um vestanvert landið, en suðaustanátt og rigning austantil. Hægt kólnandi veður.

Á miðvikudag:
Lítur út fyrir norðvestlæga átt og úrkomulítið veður sunnanlands. Hiti 7 til 12 stig.