Útsýnispallur við Brimketil formlega opnaður á morgun

Reykjanes UNESCO Global Geopark tekur í notkun nýja aðstöðu við Brimketil á morgun, föstudaginn 2. júní. Brimketill er sérkennileg laug í sjávarborðinu vestast í Staðarbergi, milli Grindavíkur og Reykjanesvita. Brimketill og katlarnir í nágrenni hans urðu til vegna stöðugs núnings brims við hraunklettana. Þar hefur ytra álag smátt og smátt mótað bolla og katla í basalthraunið.

Opnunin á útsýnispallinum er hluti af dagskrá Geopark-viku á Reykjanesi sem fram fer dagana 29. maí – 3. júní.